« qui son lignage abaise, ne l’doit on avoir cier.
« or guerpis Alixandre, et si me vien aidier ;
« de men regne averas, s’il te plest, i. quartier,
« et si t’acorderai à Daire le guerrier. 11
« ta tiere te rendrai toute sans calengier ;
« ne dois celui servir qui te 22 viut gueroier.
« s’il treu ne me rent, jou le viuc gueroier 33
« et de l’orguel qu’il a si durement plaisier
« que ne l’ volront veoir cil qui or l’ont plus cier. »
— « Or oi plest, ce dist Sanses, ki bien fait alaisier,
« quant me rouves celui qui bien me fait cangier,
« et ki ja m’a doné si très cortois louier,
« que servir m’en poront x** cevalier.
« jà tant com jou arai le cuer de l’ ventre entré, 44
« ne l’guerpirai pour honune, pour les membres trencier.
« comment m’aidera cil ki lui 55 ne puet aidier ;
« toi meisme quide-il confundre et exillier,
« et tout desireter et de l’ regne cacier.
« il ne resanble mie le cuivert pautonnier,
« roi Daire le Persant, qui Dex doinst encombrier,
« que d’un ser de putaire a fait son consillier.
« ja devant Alixandre n’oseroit aprocier ;
« s’on li disoit losenge, 66 pour autrui enpirier,
« li rois le feroit pendre u en aighe noier.
« de lui et des ses homes te convient-il gaitier.
« jou t’ai dit men mesage, si m’en voel repairier. »
atant monte è l’ ceval que plus n’i vot resnier ;
jusqu’à l’ tref Alixandre n’ot cure de targier.
Quant Alixandres voit son mesage venir,
il l’enbrace et le baise, que ne le pot tenir. 77
nouvieles li demande, et si les viut oïr.
« Sanses, ne l’ me celes, s’il vus vient à plaisir,
« que vus dist Nicolas ? s’en volra il fuir,
« u se volra vers moi en batalle tenir ? 88
« — certes sire, dist Sanses, il est de grand air,
1) si te ferai vers Daire ton oncle repairier. 2) me. 3) je l’ quic si castiier. 4) è le ventre entier. 5) soi. 6) lendenge. 7) ne s’en pot astenir. 8) venir.
