610S’eüst son per ou deüst bataillier, [*]
Fiers fust ancui l’estors al comencier ; [*]
Mais vers Corsolt n’a sa force mestier :[*]
De tels quatorze ne dorreit un denier. » [*]
Li reis Galafres est de son tref issuz ;
615A lei de rei est chalciez et vestuz ;[*]
Le tertre esguarde et celui qui fu sus, [*]
Dist a ses omes : « Li Franceis est venuz.
Gel vei al tertre : bien li siet ses escuz ; [*]
Cil deit combatre vers Corsolt le membru, [*]
620Mais vers lui est et chaitis et menuz.
Pou i valdra Mahomez et Cahu, [*]
Se cil n’est tost par rei Corsolt vencuz. » [*]
Li reis le mande et il i est venuz ;
Vait li encontre les dous braz estenduz :[*]
625« Bels niés, » dist il, « bien seiez vos venuz !
Vei le Franceis sor le tertre batu :[*]
S’est quil requiere n’a talent qu’il remut. » [*]
Respont Corsolz : « Morz est et confonduz ;[*]
Puis que gel vei, ja n’iert plus atendu. [*]
630Or tost mes armes : qu’atendereie plus ? »[*]
Il i corurent set rei et quinze duc,[*]
— 610 B bien deust — 611 C l’estor ancui — 612 A naura son cors m. — 613 B la leçon + Toz les auroit maintenant detrenchiez — 615 C fu c. e. v. — 616 A est c. — 618 C Jel. v. ester b. l. s. li e. — 619 B le mien dru — 621 B Poi maidera ; C Poi mosterra mahomet les vertuz — 622 B Se cil nestoit ; A manque — 624 A ses d. b. e. ; B Vait a lencontre — 626 C sor cel tertre aparu — 627 C Sest quel ; A Sel requerez nai ; B Ton cors requiert na talent quil aille sus (B1 quil sen fuit) — 628 A iert — 629 A Puis que le voi ; B1 niert ja p. a. — 630 A ni ait plus arestu — 631 C .iii. dus ; B .vi. amirals i sont tantost coru
