Li reis Galafres i fu aperceüz ;[*]
Guillelmes point, a son col son escu, [*]
Li reis Galafres, quant l’a aperceü,
1225De cuer reclaime Mahomet et Cahu :
« Mahomet, sire, coment m’est avenu ?
Se il vos plaist, quar i faites vertuz,
Que ge eüsse Guillelme retenu. »
Le destrier broche des esperons aguz.
1230Li cuens Guillelmes ne fu mie esperduz.
Granz cols se donent a mont sor les escuz ; [*]
Desoz les bocles les ont fraiz et fenduz, [*]
Les blanz halbers desmailliez et rompuz. [*]
Lez les costez sentent les fers moluz. [*]
1235Deus en aida Guillelme le cremu, [*]
Et cil sainz Peres cui champions il fu, [*]
Que par le rei ne fu en char feruz. [*]
Li gentilz cuens li a tel colp rendu
Que d’ansdous parz a les estriers perduz. [*]
1240Li chevals baisse quant a le colp sentu, [*]
Et dont cheï li reis a terre jus.
— 1222 A garsile — 1223-1228 C la leçon que j’ai adoptée ; A Monte guil. a son col son escu Mahom reclaime a force et a vertu Mahomet sire moult mest mal auenu Que ge ne lai et pris et retenu ; B1 Monstrez g. a son col son escu Mahom reclaime li rois par grant vertu Mahomet sire car i faites vertus Que cel baron qui tant a bien feru Quil a corsult et mort et confondu Que je le puisse auoir pris et tenu Lors ni a plus galafres atendu ; B2 Moustre g. a son col son escu Mahom reclaime le roy et sa vertu Mahom dist il com mest mal auenu Quant par .i. home est roy corsult vaincu Le dieu quil croient doit bien estre cremu Mahomet sire quar i faites vertu Que ce baron qui tant a bien feru... (le reste comme B1) — 1231 A amont es helmes bruns ; B Encontre lui a broche li cremuz Granz cops se donent amont sus les escuz Desos les bocles les ont fraiz et fenduz — 1232 C Desor ; A manque — 1233 A Les halberz ont — 1234 C aguz ; B1 Lez lor c. s. l. f. toz nuz ; B2 L. l. c. seteint l. f. toz nuz — 1235 A1 aide ; A2, 3 aida ; C a aidie ; B g. le membru — 1236 B1 Il est s. p. ; B2 Lui et s. p. c. c. i fu — 1237 B Que par galafre — 1239 A1 Que de .ii. parz — 1240, 1241 A
