Qu’il maint o lui al meins cent chevaliers, [*]
Que, par l’apostre que requierent palmier,
1990Se ge oeie novele al repairier [*]
Que Looïs i eüst encombrier, [*]
Totes voz ordenes n’i avreient mestier [*]
Ne vos feïsse toz les membres trenchier. »[*]
Et dist li abes : « En pardon en plaidiez. [*]
1995Mielz iert guardez que li sainz del mostier. » [*]
Li cuens Guillelmes fu molt buens chevaliers : [*]
Par mi la terre a ses briés enveiez, [*]
Si fait mander les barons chevaliers ; [*]
Ainz que passast doze jorz tot entiers [*]
2000En assembla plus de trente miliers ;[*]
Puis s’en alerent tant qu’il sont a Peitiers. [*]
Puis fu Guillelmes tels treis anz tot entiers [*]
Qu’il ne fu jorz, tant par fust halz ne fiers,
Que il n’eüst le vert elme lacié, [*]
2005Ceinte l’espee, armez sor le destrier ;[*]
A nule feste que l’en deüst preier,
Jor de Noel, que l’en deit sorhalcier,
Que il ne fust armez et halbergiez. [*]
Grant peneance sofri li chevaliers [*]
2010Por son seignor maintenir et aidier.
— 1988 B Que il ne maint o lui .c. c. — 1990 B Se gen ooie parler a. r. — 1991 leçon de C ; x manque — 1992 B ne vos aront m. — 1993 leçon de C ; B manque ; A Que nen feisse les testes reoignier Et toz les cors destruire et essillier — 1994 B Ce dist l. a. (B2 l. a. a dit) ce fait a otroier Je vos affi ne le vous quier noier ; A Mielz iert guardez dist labes par mon chief — 1995 B2 dun m. ; A Que ne sera li cors sainz d. m. — 1996 B Voir dist li cuens il en est bien mestier + la leçon — 1997 B sa terre — 1998 B Et f. m. — 1999 B Ainz quil p. .xv. j. — 2000 B En ot ensemble — 2001 B Puis erra tant quil vindrent a poitiers — 2002 A manque — 2004 B le brun h. l. — 2005 B Lespee ceinte — 2008 A armez sor le destrier — 2009 B1 sostint l. c. ; B2 sostint le bon guerrier
