Isnelement est retornez arrier.[*]
Le duc Richart i ont pris et leié. [*]
2185Tot altresi come cofre en somier [*]
L’en ont mené sor un corant destrier. [*]
De ci a l’ost ne voldrent atargier.
Quant il i vindrent si furent esveillié :[*]
« Oncles Guillelmes, » dist Bertrans li guerriers,
2190« De vostre brant vei sanglent tot l’acier, [*]
Et vostre escuz n’est mie tot entiers : [*]
Alcun malice avez vos comencié. »[*]
Respont Guillelmes : « Merci, por Deu, bels niés ![*]
Quant me parti de ci por chevalchier, [*]
2195Ge vos vi molt pené et travaillié, [*]
Si vos laissai dormir et someillier, [*]
Onc avuec mei n’oi que dous chevaliers. [*]
J’ai encontré le duc Richart le vieil, [*]
Qui tote jor m’i aveit espiié ;
2200O lui quinzaine de hardiz chevaliers. [*]
La mort son fill me mist en reprovier
Et si me volt toz les membres trenchier.
Tant nos aida li pere dreituriers [*]
Dis en avons ocis et detrenchiez,
2205Et cinc s’en fuient et navré et plaié.[*]
— 2183 A la leçon + As .x. ont tost les armes despoille ; B A ses barons quil auoit la lessiez En la bataille ou li dus r. iert — 2184 B La lon sesi et lont pris et loie — 2185 B Si lont trosse come (B2 c. un) cofre a deniers — 2186 B Et lont monte — 2188 B Quant il i furent ; B1 moult par en furent liez (B2 si en sont forment lie) — 2190 B1 voi tout le poing moillie ; B2 voi tout le pong souillie — 2191 B manque — 2192 B auez hui c. — 2193 A Voir dist g. bertrans bels sire nies — 2194 A manque — 2195 Leçon de C ; A fait dire ce vers à Bertrand, après le vers 2192. Je vos voi... — 2196 A manque — 2197 B Si nen menai mais que (B2 seul que) .ii. cheualiers — 2198 B Deuant .i. val lez un pont depecie La encontrames — 2200 C O lui .xve. ; B Lui .xve. iert de barons c. ; A Lui et .xv. altres — 2203 B Quant — 2205 B Les .vi. se.
