Que del charnal li abat plus d’un pié. [*]
Toz remest nuz li os sor le braier :
2580« Veir, ? » dist Guillelmes, « de ça vos ai saignié. [*]
Or sés tu bien com trenche mes aciers. »[*]
Gui d’Alemaigne fierement respondié :
« Ahi ! Guillelmes, Deus te doint encombrier !
Me cuides tu por si pou esmaier ? [*]
2585De povre char se puet l’en trop chargier ; [*]
Mais, par la crois que requierent palmier, [*]
Ainceis le vespre ne le soleil colchié, [*]
Cuit ge ma char de la toe vengier. »
Il tint l’espee, dont li branz fu d’acier ; [*]
2590Ou veit Guillelme durement le requiert ;[*]
Grant colp li done par mi l’elme vergié, [*]
Que flors et pierres en a jus tresbuchié ;
Ne fust la coife del blanc halberc doblier, [*]
Cuens Aimeris fust senz cel eritier ; [*]
2595Mais Deus nel volt sofrir ne otreier.[*]
A celui colp a Gui pou guaaignié, [*]
Emprès le poing li est li branz froissiez ; [*]
Il retrait l’altre, ne s’est mie atargiez. [*]
Veit le Guillelmes, si s’en rit volentiers.
2600Il tint Joiose al riche brant d’acier ;[*]
Ou veit Guion durement le requiert ; [*]
Grant colp li done sor son helme vergié, [*]
— 2578 B la moitie — 2580 B v. ai tochie — 2581 B mes espiez — 2584 A Cuides me tu — 2585 A De penre c. ; leçon de C et B — 2586 B1 Qui est lasus e. c. ; B2 qui lasus est e. c. — 2587 B Ainz quil soit v. — 2589 B Il trait le. — 2590 B1 vassalment ; B2 fierement — 2591 B sus son helme vergie (B2 cerclie) — 2593 B del bon hauberc doblier (B2 maillie) — 2594 B neust point deritier — 2595 A B ne volt ; B ajoute Qui les siens garde quant il en est mestier — 2596 B2 A ice cop ; A A tel cop na li cuens riens g. — 2597 B Delez l. p. l. e. b. brisie — 2598 B2 targie — 2600 B al brun coutel dacier — 2601 B1 fierement ; B2 asprement — 2602 B1 lacie ; B2 sus lhelme de son chief
