· · · · En cest monde n’a si sage
Qui à la foiz n’aut au folage.
· · · · · · · Il feit malvès atendre
En leu où l’en ne puet riens prendre.
Selon les eures et le tens
A bien mestier folie et sens.
La male garde pest le Leu.
Cil dit moult bien qui set conter
C’une foiz doit le pot verser.
Nus n’amende s’il ne mesfait.
· · · · De tel seigneur tellouier.
· · · · Grant vent chiet à poi de pluie.
· · · · A envis ou volentiers
Convient au sene aler le prestre.
· · · · Puis que hom est entrepris
Et par force liez et pris,
Bien puet-l’en véoir au besoing
Qui l’aime et qui de lui a soing.
Bien escorche qui le pié tient.
Feme mesprent à foiée.
Qui merci crie aura pardon.
De deus max prent-en le menor.
Fortune secort les hardiz.
Après grant joie vient grant ire,
Et après Noël vente bise.
Tant va pot à l’eve que brise.
Jamès uns prodons n’ert amez,
Li plus loiax est plus blasmez.
· · · · Tex ne peche qui encort.
Qui mal chace, mal li avient.
Poi sont de fames sauz boisdie,
Par fame est plus noise que pais.
Qui aise atent, aise le fuit.
Trop est cil fol qui fol afole.