Si le deſir d’eſtre parfaictement heureux alleche quelqu’vn, qu’il ſe diſpoſe de nous ſuiure aux endroits de l’accompliſſement de tous ſouhaits equitables, & venant gayement icy on rencontrera toute conſolation à la confuſion des profanes.
Beau debat & diſpute de deux Bergers, entr’eux & auec l’Empereur. Sarmedoxe rend raiſon à l’Empereur de ce qu’on a mis la Lune la premiere. Le Palais des ſecrets : ce qu’il y a. L’Empereury va & rencontre bien.
Es Princes auiſerent qu’il ne falloit pas ennuyer l’Empereur, parquoy ils luy conſeillerent de ſortir, & laiſſer acheuer le reſte à la Souueraine. Ils le conduirent donques hors le parq, où de fortune eſtoient deux Bergers qui diſputoient gentilement, & leur debat eſtoit agreable, & de conſequence honneſte. Ils furent appellez, & eux qui auoient accouſtumé de voir ſouuent le Roy & les gens d’honneur en auoient pris telle habitude, que la honte païſane eſtoit corrigee, ſi que leur aſſeurance acquiſe fit qu’ils comparurent honneſtement en ceſte aſſemblee de tāt de grāds. L’Empereur leur dict : Mes amis, dites nous voſtre belle diſpute. Ces deux Bergers Neor et & Synet auoiēt vn peu gouſté au plaiſir que la reputation donne à ceux
