Qcilmig au bet Buffet 305
magnitudine infinitus esset mundus, unum totum non esset, nec cum quibusdam veteribus fingi posset Deus velut anima mundi, non solum quia causa mundi est, sed etiam quia mundustalis unum corpus non forêt, nec pro animali haberi posset, neque adeo nisi verbalem haberet unitatem. Est igitur loquendi compendinm, cum unum dicimus, ubi plura sunt quam uno toto assignabili comprehendi possunt, et magnitudinis instar elferimus, quod proprietates ejus non habet. Quemadmodum enim de Numero infinito dici nequit, par sit an impar, ita nec de recta infinita, utrum datae rectae sit commensurabilis an secus ; ut adeo impropriae tantum hae de infinito velut una magnitudine sint locutiones, in aliqua analogia fundatae, sed quae si accuratius examines, subsistere non possunt. Solum absolutum et indivisibile infinitum veram unitatem habet, rempe Deus. Atque haec sufficere puto ad satisfaciendum omnibus argumentis contra infinitum actu, quae etiam ad infinitum potentiale suo modo adhiberi debent. Neque enim negari potest, omnium numerorum possibilium naturas revera dari, saltem in divina mente, adeoque numerorum multitudinem esse infinitam. Ego philosophice loquendo non magis statuo magnitudines infinite parvas quam infinite magnas, sen non magis infinitesimas quam infinituplas. Utrasque enim per modum loquendi compendiosum pro mentis fictionibus habeo, ad calculum aptis, quales etiam sunt radices imaginariae in Algebra. Interim demonstravi, magnum bas expressiones usum habere ad compendium cogitandi adeoque ad inventionem, et in errorem ducere non posse, cum pro infinite parvo substituere sufficiat tam parvum quam quis volet, ut error sit minor dato, unde conséquitur errorem dari non posse. R. P. Gouye, qui objecit, non satis videtur mea percepisse. Caeterum ut ab ideis Geometriae ad realia Physicae transeam, statuo matériam actu fractam esse in partes quavis data minores, seu nullam esse partem, quae non actu in alias sit subdivisa diversos motus exercentes. Id postulat natura matériae et motus et tota rerum compages, per physicas, mathematicas et metaphysicas rationes.
Cum dico, nullam partem matériae es’se, quae non monades contineat, exemplo rem illustro corporis humani vel alterius animalis, cujus quaevis partes solidae lluidaeque rursus in se continent alia animalia et vegétabilia. Et hoc puto iterum dici debere de parte quavis horum viventium et sic in infinitum.
Nullam Entelechiam puto affixam esse certae parti matériae (nempe
— 11. ao
