tres-cher frere le Comte d’Eſtampes (que Dieu abſolue) a laiſſé en ſon teſtament auſdits Religieux & à l’Egliſe, pour ſon anniuerſaire tous les ans, ſi comme il eſt plus pleinement contenu ez lettres parmy leſquelles ces preſẽtes ſont annexées, ratifions, loüons & approuuons. En teſmoin de ce nous auons fait mettre noſtre ſcel en ces preſentes. Donné au chaſteau-Thierry l’vnzieſme iour de Iuin, l’an de grace 1337. Et nous Philippes Eueſque de Chaalons, & Marie Comteſſe d’Alençon & d’Eſtampes, compagne iadis de mon tres-cher Seigneur le Comte d’Eſtampes deſſuſdit, executeurs dudit teſtament auec noſtredite Dame. Loüons, ratiffions & approuuons toutes les choſes deſſuſdites, & auons mis nos ſeaux en ces preſentes lettres, auec le ſcel de noſtre Dame.
