ſeulement de ce Prince qui ſembleroit de prim’ abord auoir eſté l’inſtituteur de ceſte garenne : Mais quand on conſiderera que ce tiltre eſt de l’an mil trois cens dix, & qu’il n’a eſté ſeigneur de Dourdan qu’en l’an mil trois cens ſept, trois ans auparauant, & que dans ce peu de temps (ſ’il euſt eſté le premier inſtituteur de ceſte garenne) les beſtes n’euſſent peu tant multiplier pour incommoder le pays. D’ailleurs faut remarquer que par ce meſme tiltre il declare que pluſieurs fois auparauant ceux du pays ſ’eſtoient plaints de ce deſordre & y auoient demandé remede, dont ſ’enſuit qu’auparauant qu’il fuſt ſeigneur de Dourdan, c’eſt à dire du temps de ces Roys auſquels il a ſuccedé, ceſte garenne auec ces officiers y eſtoit deſia eſtablie.
