Et pas ne sui cause de vostre anoy,[1]
Ce m’est avis, si que souffrir m’en doy.[2]
Plus ne vous say que dire, en bonne foy :[3]
548 Adieu vous di. »
Adont de moy la belle se parti
Qui de si grant doleur me reparti[4]
Que par un po que mes cuers ne parti[5]
552 De son départ.
Mais la douceur de son plaisant rcgart
Par son dous art fist que j’en os regart ;[6]
Qu’au départir de moy, se Dieus me gart,[7]
556 Si doucement[8]
Me regarda qu’il m’iert vis proprement[9]
Que ses regars me disoit vraiement :[10]
« Amis, je t’aim très amoureusement. »
560 Si que je fu[11]
Tous confortez par la noble vertu
De ce regart qui puis m’a tant valu[12]
Qu’il m’a toudis norri et soustenu[13]
564 En bon espoir.
Et s’il ne fust, certeinnement j’espoir
Que je fusse cheûs en desespoir,
Mais riens qui soit ne me feist doloir,[14]
568 Quant ses regars[15]
Estoit seur moy en sousriant espars,[16]
- ↑ C Ne ; E Qui ; F suis
- ↑ E pour ce souffrir
- ↑ CP Rien ne v. say plus dire
- ↑ E Qui si très grant ; D men parti ; CP départi
- ↑ E po le mien cuer ; KJ po li cuers (J le cuer) ne me parti
- ↑ BD fis ; C fist que vostre regart
- ↑ E Au partir ; C Que au partir ; KJ Quant départi
- ↑ E Car si d.
- ↑ J met vis
- ↑ D proprement
- ↑ D jen
- ↑ C qui tant ma puis valu ; EP qui puiz ma tant valu ; KJ trop valu
- ↑ E Que toudis ma n. ; P tous jours
- ↑ KJPC qui fust ; P fist tant d.
- ↑ ses manque dans D ; CP espars
- ↑ KJ Estoient ; P Quant sur moy ert ; KJ moy et souuent et esp.
