Page:Machaut - Œuvres, éd. Hœpffner, I.djvu/184

Car s’elle eüst cent fois meins de biauté,
Et elle fust loial, la grant bonté
De loiauté l’eust plus honnouré^[1]
          816 Que s’elle fust
Cent mille fois plus belle et mieus pleüst ;^[2]
Et en tous cas trop mieus plaire deust,^[3]
Pour ce qu’en li riens a dire n’eüst.^[4]
          820 Si que je croy
Qu’a bonne Amour, a Fortune, n’a soy^[5]
Riens demander de mes dolours ne doy.
Et en puis je riens demander a moy ?^[6]
          824 Certes oïl !
Car je me mis de richesse en essil,^[7]
De seurté en un mortel péril,
De joie en dueil, par son regart soutil,^[8]
          828 Et de franchise^[9]
En servitute ou on n’aimme, ne prise^[10]
Moy, ne m’onnour, m’amour, ne mon servise,^[11]
Ne ma vie vaillant une cerise.
          832 Et nompourquant,
Il m’est avis que pas ne mespris, quant^[12]
Je l’enamay, qu’en ce monde vivant^[13]
N’avoit dame qui fust si excellent,^[14]
          836 Ce disoit on.^[15]
Si devins siens en bonne entention,
Ne jamais n’i cuidasse, se bien non.
Pour la grandeur de son très bon renon^[16]
          840 Qui m’a destruit.

1. J Sa ; P amonte
2. E Mil cent foiz ; M mil
3. KJ En tretous ; D Car ; J et mieus ; E faire
4. D que KJ ajoutent après le v. 81 g les vers 848-855
5. E Car ; DEP na f.
6. KJ Et puis
7. C a essil
8. C par un reg. ; KJ son engin
9. KJ servise
10. KJ en ; C en aimme
11. A ne mes biens ; C ne mon cuer
12. CE tant
13. ^«^ ce siècle
14. ME fu ; E plus exe ; KJ si suffisant
15. i) Et
16. KJ tresgrant.