Comment justice et vérité[1]
Sont mortes par l’iniquité
D’avarice qui en maint regne[2]
44Com dame souvereinne regne,[3]
Com maistresse, comme roÿne, —[4]
Qu’avarice engendre haïne,[5]
Et largesse donne et rent gloire,
48Vraiement, c’est parole voire,[6]
Qu’on le scet et voit clerement[7]
Par vray et juste experiment, —[8]
Comment nuls ne fait son devoir,[9]
52Comment chascuns quiert decevoir[10]
Son proisme ; car je ne voy pere,[11]
Fil, ne fille, ne suer, ne frere,[12]
Mere, marrastre, ne cousine,
56Tante, oncle, voisin, ne voisine,
Mari, mouillier, amy, n’amie
Que li uns l’autre ne cunchie ;
Et s’un en y a qui s’en garde,
60Chascuns de travers le regarde,
Et dit on qu’il est ypocrites,
Et fust sains Jehans li Ermites ;
Com li signeur leur subgiez pillent,[13]
64Roubent, raembent et essillent[14]
Et mettent a destruction
Sans pitié ne compation.
Si que grans meschiés, ce me samble,[15]
68Est de vice et pooir ensamble.[16]
Et on le voit assez de fait,
Ne riens tant cuer felon ne fait
Page:Machaut - Œuvres, éd. Hœpffner, I.djvu/235
Le texte de cette page a été corrigé et est conforme au fac-similé.
