leur conuerſation dura ; exagerant toutes les belles choſes qu’il auoit faites, du temps qu’il eſtoit à Carthage où il l’auoit connu. Mais apres m’auoir dit mille biens du genereux Aronce, luy dit alors la Princeſſe de Perouſe, il faut que vous me diſiez encore ſa condition : afin que le Prince à qui il a ſauué la vie, ſçache mieux comment il le faut traiter. Aronce eſt ſi illuſtre par luy meſme, reprit le Prince de Numidie, que quand il ne ſeroit pas d’vne fort grande qualité, il meriteroit d’eſtre traité comme s’il eſtoit Fils de Roy : mais ce qu’il y a de vray, eſt qu’on n’a iamais ſçeu à Carthage ce qu’il eſt nay : & l’on en a parlé ſi diuerſement, que ie ne puis vous en rien dire d’aſſuré. Ce que ie ſçay auec certitude eſt qu’il a eſté eſleué par vn homme de qualité de Rome, qui en ayant eſté exilé par Tarquin, vint
