qu’Aronce ſans regarder ny Clelius, ny Sulpicie, ny ceux qui eſtoient avec eux, ſe mit à chercher parmy ces grands monceaux de Cendres, ſans ſçauoir luy meſme bien preciſément ce qu’il cherchoit : & Clelius, Sulpicie, & ceux qui les ſuiuoient, ſe mirent à chercher auſſi bien que luy, s’ils ne trouueroient nulles marques de la vie, ou de la mort de Clelie. Mais plus ils chercherent, plus leur douleur augmenta : car ils trouuerent vne Amie de cette admirable Fille, eſtouffée dans ces Cendres bruſlantes qui eſtoient tombées ſur elle : & ils virent aupres de ſon corps celuy d’vn Amant qu’elle auoit, qui auoit eu le meſme deſtin. Ce lamentable obiet, tout funeſte qu’il eſtoit, obligea pourtant Aronce à porter enuie à ce malheureux Amant; puis que du moins il auoit eu l’auantage de
