repliqua-t’il, que ie preſupoſe que tout ce qui me plaiſt luy doit plaire. En verité, reprit Arricidie, ie n’euſſe pas creû que vous euſſiez ſi peu aimé Aronce : & qu’vne Chimere de Romain que vous auez dans la fantaiſie, & que vous voulez qui y ſoit, pûſt tenir contre toutes les bonnes qualitez d’Aronce : car enfin, ſi nous voiyons que le Soleil n’eſclairaſt qu’à Rome, nous pourrions croire que puis qu’elle auroit ce Priuilege particulier, elle pourroit auoir celuy d’auoir plus de Gens d’honneur que toutes les autres Villes : mais comme vous le ſçauez, le Soleil reſpand ſa lumiere par toute la Terre, & il y a des hommes vertueux par tout le Monde. I’ay oüy dire autrefois, pourſuiuit-elle, qu’il n’y auoit en toute la Grece que ſept hommes qu’on y appelloit Sages par preference à tous les autres : encore les Grecs
