Le texte de cette page a été corrigé et est conforme au fac-similé.
Sa cauſe ſe ie my vueil mettre
et ſi na prins oncques a lettre
que vng peu. mais ie moſe vanter
que ie ſay auſſi bien chanter
ou liure auecques noſtre preſtre
que ſe ieuſſes eſte a maiſtre
autant que charles en eſpaigne
Guillemette
Que nous vault cecy pas enpaigne
nous mourons de fine famine
noz robbes ſont plus queſtamine
reſes. et ne pouons ſauoir
comment nous en peuſſons auoir
et que nous vault voſtre ſcience
Pathelin
Taiſiez vous. par ma conſcience
ſe ie vueil mon ſens eſprouuez
ie ſcauray bien ou en trouuer
des robbes et des chapperons
ſe dieu plaiſt nous eſchaperons
et ſerons remis ſus en leure
de a en peu deure dieu labeure
ſil conuient que ie maplicque
a bouter auant ma praticque
on ne ſcaura trouuer mon per
Guillemette
