Le texte de cette page a été corrigé et est conforme au fac-similé.
que de vous deux ce neſt que noiſe
maiſt dieu ie los que ie men voiſe
vaten mon amy ne retourne
iamais pour ſergent qui taiourne
la court ta ſoult entens tu bien
pathelin
Dy grans merci
le bergier
Bee
le iuge
Dis ie bien
vaten ne te chault autant vaille
le drappier
Eſſe rayon quil ſen aille
Ainſi
le iuge
Ay. iay a faire ailleurs
vous eſtes par trop grās railleurs
vous ne my ferez plus tenir
ie mens vois voulez vous venir
ſouper auec moy maiſtre pierre
Pathelin
Je ne puis
le drappier
Ha ques tu fort lierre