gué si apparent, que sa profondité n’excede point deux toyses. De la on va au royaume de Maleteur, auquel y a grande abondance d’espiceries & drogues aromatiques, & ont les habitans d’iceluy langage particulier.
De l’isle appellée Java la mineur. Chap. XIII.
ultre l’isle de Petam, faisant voile selon le cours du vent Syroch, se recongnoist a trente lieuëes de distance l’isle de Java, appellée la mineur, qu’on estime avoir de tour & circuyt de six a sept cens lieuës. L’isle est divisée en huict royaumes, usans toutesfois d’un mesme langage. Elle produit diverses sortes d’espiceries, qui n’ont encore esté veuës ny cogneues en ces pays d’Occident. Les habitans adorent les idoles. Ceste isle s’estend si avant vers Midy, que lon n’y recongnoist point le pol artique, n’aucunes des estoilles circumadjacentes. Ce que moy Marc Paule puis asseurer pour avoir esté en ceste isle, rfequenté, circuy, & tournoyé les six royaumes d’icelle, assavoir Ferlech, Basmam, Samara, Dragoian, Lambri, & Fanfur. Quant aux deux autres royaumes, je n’y ay point esté.
Du royaume de Ferlech. Chap. XIIII.
es habitans du royaume de Ferlech pour le regard de ceulx qui se retirent & habitent es montaignes, n’ont aucune loy ne civilité, mais vivent brutallement : & adorent la premiere chose qu’ilz rencontrent, & se preſen-
