Cette page a été validée par deux contributeurs.
289
DES INNOCENTS.
Si ie peux n’aura pas le mien.
Làs, il le prend ! O cruel chien, Il le prend.
Qui de ſang humain as enuie !
Las, il met à mort tout mon bien :
A peu pres que ie ne deſuie.
Helàs, il me iette
Celuy que regrette
Mort, entre mes mains.
Làs, le cœur me fault !
O Dieu de lá hault,
A ces inhumains
N’en faites pas mains.
LE IIII. TYRANT.
Ceſt enfant eſt fort bien en ordre,
Mais ſy le me fault il auoir.
LA NOVRRICE du Filz d’Herodes.
Allez, vous n’y auez que mordre,
Pas n’estes digne de le voir ;
Car ie vous fais bien à ſçauoir,
Qu’il eſt filz du roy treſpuiſſant.
LE IIII. TYRANT.
Außi pour faire mon deuoir,
Au roy veux estre obeïſſant.
LA NOVRRICE.
Làs, ſus luy vous tirez l’eſpee,
Sans craindre le roy ! quelle audace !
s LE
