Cette page a été validée par deux contributeurs.
293
DES INNOCENTS.
Mais quoy ? qu’ont dit ces meres foles ? S’en allant, puis reuiẽt
LE III. TYRANT.
Les vnes ont voulu fouyr,
Les autres à force paroles
Nous ont fait iniures ouyr ;
A peine en auons peu iouyr
Fors à grans coups, ſur bras, ſur testes.
HERODES.
Voila qui me fait reſiouyr,
Vray^ment bons ſeruiteurs vous estes.
LE IIII. TYRANT.
Iamais n’ouystes de telz crys,
Telz plaingtz & lamentations.
HERODES.
En vous eſcoutant, ie m’en rys,
Ce me ſont conſolations.
LE IIII. TYRANT.
Iniures, maledictions,
Coups de poing, morſure de dents
Auons eu de leurs paßions,
Dont portons ſignes euidens.
HERODES.
Vous auez ſy bien beſongné,
Que d’auoir mieux ie ne ſouhaite.
LE CAPITAINE.
Ha, il y a bien eu hongné
t 3 Auant
