LETTRES INÉDITES Par quoy, après avoir conquis le pays de Luxembourg, qui n’est petite chose, et pris et fortifié Landrecy, la rendant en trente jours imprenable à toutes les forces de l’Empereur, vous avez grande occasion de vous contenter pour cete année et lesser faire à l’ennemy, s’il ouze s’essayer à recouvrer ce que vous luy avez ousté, que vous saurez si bien garder, que la perte
de s’essayer à le recouvrer seroit plus grande que de l’avoir premier perdu. Par quoy, s’il est saige et qu’il veuille croire le conseil d’Espaigne, il fera paix, ou pour le mains une si longue trefve, que les Turcs s’en puissent retourner à ce printemps, car ilz en ont une incréable
peur. Mais
quoy que vous fassiez, paix ou trefve, elle ne vous peult estre que très glorieuse : vous estes conquereur et victorieux ; mais qu’elle vous soit proufitaible. Je ne me pnis garder de prier à Nostre Seigneur la vous donner, pour ce, Monseigneur, que le mestier que vous menez est si dangereux et la fortune de la guerre si muable, que voyant vostre honneur si congnu de tout le monde et exalté par dessus vos ennemys, je desire vostre paix et repous, que, j’espère, vous sera donné par celuy qui vous tient en sa main et par la vostre fait si grans et bons effects que l’on voit bien que, ainsin coume à David, Dieu a esté bataillant avecques vous. Car jamais ne vous estes desparty de la confiance que vous avez mise totalement en luy, qui par foy vive vous rend si uny avecques luy gendre de Marguerite. Charles V avait assiégé cette ville en personne, et l’ayant prise le 24 août 1543, avait passé au fil de l’épée la garnison et une partie des bourgeois.
