Le texte de cette page a été corrigé et est conforme au fac-similé.
299
DE MARIE DE FRANCE.
Li Vileinz l’ot sel’ mercia[1],
Moult par l’en set, ce dit, bun gré ;
Li Liuns li ad demandé
Si li sanbloit cum einz out fet,
Dit li Vilainz autrement vet ;
Jeo te dis bien, fet li Liuns,
Ainz que nus fuisienz cumpaignuns,
Tu me mustraz une painture
Sor une pierre d’aventure ;
Jeo t’ai puis voire euvre mustrée[2],
A descuvert l’as égardée.
MORALITÉ.
Par essample woel aprenre
Que nuz ne deit nient entendre,
A Fables qui sunt des mençunges
N’a pointure qui samblent sunges ;
C’est à creire dunt en veit l’uevre[3],
Que la vérité en descuevre.