Le texte de cette page a été corrigé et est conforme au fac-similé.
446
POÉSIES
Ne voit un mot parler à els ;
Il virent bien k’il les despist
Hidus semblant chescun li fist.
Un feu firent de maintenant,
En la maison merveilles grant :
Piez è meins lui lient forment
El feu le jettent erralment ;
Od crocs de fer enz le butèrent,
Hidusement sur lui crièrent.
Li Chevalers en sa dolur
Apellat le nun del’ Seignur ;
Si Enemi qui od lui sunt,
S’efforcèrent k’el’ feu parfunt
Le péussent entre els tenir,
E tut sun cors arder et bruir.
Quant icel gisant turment senti
A Jhesu-crist criat merci ;
Icil nuns l’ad bien defendu
Del’ premier turment où il fu.
Après cele invocaciun
K’il fist de cel seintisme nun,
Fust délivres, li feu esteint,
E icist grant turmenz remeint.
Quant li Chevalers ad véu
De Deu la force è la vertu,
