Cette page n’a pas encore été corrigée
Dont il perdit sur les vingt ans la vie,
Avec l’actente, helas, de la Couronne,
Qui le cler Chef de son Pere environne.
Qu’as tu, Passant ? complaindre on ne s’en doibt :
Il a trop mieulx, que ce, qu’il attendoit.
De Anne de Beauregard, qui mourut à Ferrare
De Beauregard Anne suis, qui d’enfance
Laissay Parentz, Pays, Amys, et France
Pour suivre icy la Duchesse Renée,
Laquelle j’ay depuis abandonnée,
Futur Espoux, beaulté, florissant aage
Pour aller veoir au Ciel mon Heritage,
Laissant le Monde avec moindre soucy,
Qu’en laissant France, alors que vins icy.
'
De Helene de Boisy
’
Ne sçay, où gist Helene, en qui beaulté gisoit,
Mais icy gist Helene, où bonté reluisoyt,
