Page:Montaiglon - Recueil général et complet des fabliaux des 13e et 14e siècles, tome I.djvu/140

VII

DU PROVOST A L’AUMUCHE.

Manuscrit F. Fr., 837, f. 176 v^o à 177 r^o.^[1]

1
D’un chevalier cis fabliaus conte
Qui par samblant valoit un conte,
Riches hom estoit et mananz ;
Fame ot, dont il avoit enfans
5Si come il est coustume et us.
.XX. ans cil chevaliers et plus
Vesqui sans guerre et sanz^[2] meslée.
Moult fu amez en sa contrée
De ses homes et d’autre gent,
10Tant que .I. jor li prist talent
Du baron saint Jaque requerre.
A garder comanda sa terre
Un sien provost que il avoit.
Vilains et pautonniers estoit,
15Mès richèce l’avoit seurpris ;
Si en ert amendez ses pris,
Si come il fet^[3] à mains mauvais.
Li Provos ot à nom Grevais,
Le fil Erambaut Brache-huche ;
20De burel avoit une aumuche,
Por la froidure, bien forrée.

1. VII. — Du Provost a l’aumuche, p. 112.

   Publié par Barbazan, II, 40 ; par Méon, III, 186-190.

   
   

2. Vers 7 — sans, lisez sanz.
3. 17 — fait, lisez fet.