Cette page a été validée par deux contributeurs.
300
171
fabliau xxvi
Pour ce la haïoie si forment,
Qu’il ne me chaut de quel torment
Desormais morir me faciez.
Mais, se respitier me voliez,
Ce que nous .II. fere souliens
Feroie ; jà n’en faudroit riens. »
Li Chevalier l’ont respitie
Que ne fu pas à mort jugie.
Molt se pena d’aux bien servir,
Par que lor gré puit desservir.
Tant fist qu’aussi bien les servoit
Com lors quant deuz en y avoit,
Ne ne se vont aparcevant
De desfaut nul ne que devant.
Einsis fust par ceste aventure
Délivrée de mort obscure ;
Des Chevaliers fu si privée
Que ses services lor agrée ;
Onc ne recrut de lor amor,
Ne tost, ne tart, ne nuit ne jor,
Ains lor livroit assez estor,
Car chascuns l’avoit à son tor.
