De son affere bien mostrer ».
Si vus ne les volez regarder
Ne volenters ou eux parler,
Si averount mensounge trové
Que vus estes descoillé !
Auxi di je par delà
Come l’ensaunple gist par desà,
Si ascune dame bele
Ou bien norrie damoysele
Par sa nateresse e bounté
De nulli seit privée,
Ou si ele tant ne quant
Fasse à nully bel semblaunt,
Ou si ele vueille juer :
Cele est femme de mester
E de pute manere
E à gayner trop legere.
Si ele soit auqa hontouse
E de juer dangerouse :
« Veiez corne ele se tient souche !
Bure ne destorreit en sa bouche. »
Cornent qe ele ameyne sa vie,
Rybaudz en dirront villeynie.
Si volenters alez à mostier
E à Dieu volez prier
De vos pechiés remissioun
E de fere satisfaccioun,
Si dirra ascun qe vus regard :
« Ja de vos prieres n’ey je part,
Qar vus n’estes qe un papelart ;
Page:Montaiglon - Recueil général et complet des fabliaux des 13e et 14e siècles, tome II.djvu/267
Le texte de cette page a été corrigé et est conforme au fac-similé.
350
253
le roi d’angleterre et le jongleur
