Cette page n’a pas encore été corrigée
en ce pouint. L’ambassadur, cela fait, recouvrit le pied du Pape, & se relevant sur son siege, luy dict ce qu’il luy sambla pour la recommandation de M. d’Estissac & de M. de Montaigne. Le Pape, d’un visage courtois, admonesta M. d’Estissac à l’estude & à la vertu, & M. de Montaigne de continuer à la devotion qu’il avoit tousiours porté à l’eglise & service du Roi très-chrestien, & qu’il les serviroit volantiers où il pourroit : ce sont services de frases Italiennes. Eus, ne lui dirent mot ; eins aiant là reçeu une autre benediction, avant se relever, qui est signe du congé, reprindrent le mesme chemin. Cela se faict selon l’opinion d’un chacun : toutefois le plus commun est de se sier en arriere
