CIII.
Par bruit de feu Grands & Vieux defaillir.
Peste assoupie. vne plus grande naistre :
Peste de l’Ara. foin caché, peu ceuillir,
Mourir troupeau fertil. ioye hors prestre[1].
CIV.
Alegre point. douce fureur au Sacre,
Enflez trois quatre & au costé mourir :
Voye defaillir, n’estre à demy au sacre,
Par sept & trois, & par quinte courir.
1565.
CV.
Pire cent fois cest an que l’an passé,
Mesme au plus Grands du regne & de l’Eglise :
Maux infinis, mort, exil, ruine, cassé,
A mort Grande estre. peste, playes & bille[2].
CVI.
Neiges, rouillures, pluyes & playes grandes,
Au plus Grands ioye, pestilence insopie :
Semences, grains beaucoup, & plus de bandes,
S’appresteront, simulté n’amortie[3].
CVII.
Entre les Grands naistre grande discorde,
Le Clerc procere vn grand cas brassera :
Nouuelles sectes mettre en haine & discorde,
Tout peuple guerre & change offensera[4].