LXXVII.
Entre deux mers dreslera[1] promontoire,
Que[2] puis mourra par le mors du cheual :
Le sien Neptune pliera voile noire[3],
Par[4] Calpre & classe aupres de Rocheual.
LXXVIII.
D’vn chef vieillard naistra sens hebeté,
Degenerant par sçavoir & par armes :
Le chef de France par sa sœur redouté,
Champs diuisez, concedez aux gendarmes.
LXXIX.
Bazaz, Lestore, Condon, Ausch, Agine[5],
Esmeurs[6] par loix, querelle & monopole :
Car Bourd. Tholouse, Bay[7] mettra en ruine :
Renouueller voulant leur tauropole[8].
LXXX.
De la sixiesme claire splendeur celeste,
Viendra tonner si[9] fort en la Bourgongne,
Puis n’aystra[10] monstre de tres hideuse beste :
Mars, Auril, May, Iuin, grâd charpin & rongne.
LXXXI.
D’humain troupeau neuf seront mis à part,
De iugement & conseil séparez :
Leur sort sera diuisé en départ,
Kappa, Thita, Lambda[11] mors bannis esgarez.
- ↑ Variante : dressera.
- ↑ Traduisez : qui (latin), celui-là qui.
- ↑ C’est-à-dire qu’il arborera le pavillon noir.
- ↑ Traduisez : per (prép. lat.), auprès de.
- ↑ Bazas, Lectoure, Condom, Auch, Agen.
- ↑ Variante : Esmeus.
- ↑ Carcassonne, Bordeaux, Toulouse, Bayonne.
- ↑ Lisez : taurobole.
- ↑ Très.
- ↑ Variante : naistra.
- ↑ Κ. Θ. Λ., initiales grecques de trois noms propres commençant par C. par TH. & par L.
