du pays se rendit à eux, mesmes le chasteau de Poemaninum, qui estoit une tres-forte place, et Lopadion l’une des meilleures villes de la contrée, ensemble le chasteau de Polychna assis sur un lac d’eau douce, l’un des plus forts et des meilleurs qu’on sçauroit trouver. De maniére que cette victoire vint bien à propos à nos gens qui s’en sceurent bien prevaloir, s’estans rendus maistres, à l’ayde de Dieu, de tout le pays qui se rangea à leur obeïssance.
171. Cependant d’un autre costé, Henry frere de l’Empereur, par le conseil des Armeniens partit d’Abyde aprés avoir pourveu à sa seureté, et passa outre à une ville appellée Atramittium[1], assise sur la mer à deux journées de la ville d’Abyde, qui luy fut renduë, et se logea dedans à cause qu’elle estoit fort bien garnie de bleds, de vivres et autres commoditez ; au moyen dequoy la plus grande partie de la contrée se rendit à luy ; et là se commença la guerre contre les Grecs. D’autre part Theodore Lascaris, qui avoit esté deffait vers Poemaninum, rassembla tout ce qu’il pût recouvrer de gens ; et en peu de jours il eut une grosse et puissante armée, dont il bailla la conduitte à Constantin son frere, l’un des meilleurs hommes de guerre de l’empire d’Orient ; lequel s’achemina droit vers Atramittium. Le prince Henry, ayant eu avis de leur marche par le moyen des Armeniens qui l’en avertirent, se prepara pour les recevoir, et mit ses trouppes en bataille, ayant avec luy nombre de braves gens.
172. Entre autres Baudoüin de Beauvoir, Nicolas de
- ↑ Polychna : ville de la province de l’Hellespont.
