Page:Rabelais marty-laveaux 02.djvu/13

Cette page n’a pas encore été corrigée

PROLOGVE DE L’AVTHEVR

M. François Rabelais povr le tiers livre
des faicts et dicts Heroiqves
dv bon Pantagrvel.

Bonnes gens, Beuueurs treſilluſtres, & vous Goutteux treſprecieux, veiſtez vous oncques Diogenes le philosophe Cynic? Si l’avez veu, vous n’aviez perdu la veue: ou ie ſuis vrayment foriſſu d’intelligence, & de ſens logical. C’eſt belle choſe veoir la clairté du (vin & eſcuz) Soleil. I’en demande à l’aveugle né tant renommé par les treſſacrées bibles: lequel ayant option de requerir tout ce qu’il vouldroit, par le commendement de celluy qui eſt tout puiſſant, & le dire duquel eſt en un moment par effect repreſenté, rien plus ne demanda que veoir. Vous item n’eſtiez ieunes. Qui eſt qualité competente, pour en vin, non en vain, ainsi plus que phyſicalement philoſopher, & deſormais eſtre du conſeil Bacchicque: pour en lopinant opiner des