Cette page a été validée par deux contributeurs.
Primus.
Non pas, tant que l’estoille dure
Qui fait tant de ces mouvemens.
L’Astrologue.
Taison nous, soions patiens,
Car le regne de Saturnus
Qui nous a longuement tenus,
A toute sa laide grimace[2],
Est passé, et sommes venus,
Ce Dieu plaist, au regne de grace.
Le Prince.
Dictez vous que Saturnus passe,
Alant son pas, voire sanguin ?
Primus.
Dangier n’y a que de la fin,
Car j’ay mainte foys oy dire
Que a la queue gist le venin.
Secundus.
Il est vray, ce serouet le pire.
L’Astrologue.
Pourveu que Saturne ne tire
A faire sa conjunction
A la queue du Scorpion,
C’est fait ; elle ne peut plus nuyre.
Son cours est passé.
Chascun.
Or sa, sire,
Puis que la chose vient a point,
En vostre esprit trouvés vous point
Se l’annee bonne sera ?
