Cette page a été validée par deux contributeurs.
Des ellemens tout en discort.
Secundus.
Par mon serment, je vous revelle
Que Roan est vilain et hort[1].
Chascun.
Ha, Dieu ! airai ge mal confort ?
Serai ge tousjours sans cesser
En ce point ?
L’Astraloge.
Chascun, tu as tort
Et ne te fault point courroucer.
Je veulx de ton estat penser
Et te faire des medecines ;
L’espere en ce point fault laisser ;
Trop avons veu de maulvais signes.
Primus.
Vous congnoissés vous aulx urines
Ou au pouce ?
L’Astrologue.
Sans point doubter
C’est une de mes grans doctrines
Pour mallades solliciter.
Chascun.
Voyre, je luy vis visiter,
Deux ans a, l’uryne du Monde,
Et dist tropt bien qu’il y abonde
De mauvoys sang entour le chef[5]
