Ꝑ co renchet taus gerre dunt fins ne fon
Tros quen fu mors dans bos de ſcarpion
E carles encauchaz ꝑ un tendon
E girart en eiſſi de ſa reion
Quel cons en portet puis en gaut carbon
Li fil teiri lai portent uerges pelades
La meiſnade bozon targes roades
Soz lor goneles unt braines ſafrades
A ſaint german lor ferent les racelades
Aiqui lor ont les teſtes del buſ ſeurades
Ꝑ co ranchent les gerres tan irades
Cent mil ome en eiſſerent de lor contrades
E mort de purs cataus cinc cenz carrades
Dunt ſunt les terres gaſtes e aermades
Li fil teiri lai portent bliaus fronciz
La maiſnade boſon aubers ueſtiz
Soz lor goneles unt breines treſliz
Sil uont a la maiſnade ques unt traiz
Bos tout caſcun la teſte ſoz la ceruiz
E puis auciſt lor paire li deu mentiz
Le duc tieri daſcane dunt fu aiziz
Carles entre en ſa cambre ꝑ repauſar
Li dus teiri daſcane ſen uol annar
Ne ſat mot de la meſcle quel laui far
Ne de ſes petiz filz quil tient tan char
La nes annaz li dus ꝑ demeſclar
Bos e ſegins lencontrent quel uōt queſtar
E baſſerent les lances e uont li dar
Laſſa uiſſaz cruiſiar e enauſchar
Ꝑ mei lo cors del duc menu paſſar
Que larme el baron ne pot durar
Cainc nus deſ ſeus nel uit qui lanchet dar
Carles aui la meſcle e eiſt au crit
Demandet ſon auberc e la ueſtit
Trobet enme ſa uie lo duc delit
Ainſ que iii fuſt bos el ſeu ſen ſunt fuit
Vez uos a roſſillon girart uertit
Sobre lui na mes carles ton ſon chauſit
E diſt quil le parlet el conſentit
Se per non de bataille nel eſcondit
Ja ne uerra abanz un meis complit
Le fieu ke tient de lui aura ſaiſit
Premiers prent le folcon eldeueit
Ne cuidaz de girart quil ſen oblit
Abanz len fera gerre ſicum el dit
Mort unt teiri lo duc le riu baron
E dient ca en france la region
Caucis lunt en la cort boſ e li ſon
Dans bos ſen [eſ] annaz a carpion
Aiqui a dous caſtels do montargon
Lun comandet ſegin lautre folcon
E cant carles lauit ne li ſat bon
