Où il perdra le cors et l’âme
Se Dieu ne l’ fet et Nostre-Dame.
Li Juis plains d’iniquité,
Quant le tient fors de la cité,
Moult le conforte et asséure ;
Mès la nuit est tainte[1] et oscure,
S’en a grant hide et grant poor.
« N’aies dotance ne fréor,
Fait li Juis, pour chose qu’oies
Ne por merveille que tu voies ;
Ne te seingne por nulle rien,
Ce te commant et deffant bien ;
Ne por rien nule qui t’apère[2]
Ne reclaime Dieu ne sa mère. «
Théophilus sanz contredit
Tout li otroie quanqu’il dit[3],
Li soprenanz[4] qui l’a sorpris
Maintenant l’a par la mein pris
Et si li dit : « Liève la teste ;
Or puez véoir la haute feste
Que je pièça t’avoie dite ;
Bien puez véoir n’est pas petite
La grant joie que cil demainnent
Qui mon seingnor portent et mainnent[5]. »
Théophilus tremble et fremie :
Tel paour a ne set qu’il die.
Avis li est, quant s’en prant garde,
Toz li païs esprangne et arde ;
D’anemis voit plus de cent mile.
Avis li est qu’entor la vile[6]
Procession voisent faisant.
Ne sont pas mu, coi, ne taisant,
Ainz font tel temolte et tel bruit[7]
- ↑ Ms. 7987. Var. Orbe.
- ↑ Ms. 7987. Var. T’apele. Pour rimer avec ce mot il y a : S’ancele.
- ↑ Ce vers n’est pas dans le Ms. du fonds de Saint-Germain.
- ↑ Ms. 7987. Var. Satanas.
- ↑ Ms. 7687. Var. Servent et aiment.
- ↑ À la place de ce vers et du suivant le Ms. du fonds de Saint-Germain et le Ms. 6987 contiennent ceux-ci :
Grant feste font fors de la vile
Et vont prosession fessant. - ↑ Ms. 7987. Var. Et tel moise. — Le Ms. 2710 porte : Murmure.
