Page:Rutebeuf - Oeuvres complètes, recueillies par Jubinal, tome II, 1839.djvu/322

315

ET ÉCLAIRCISSEMENTS.

Car Dieux nous a à bone rive
Arrivez et mis nostre frère,
Par les prières de sa mère.

« Loons tuit la doce Dame
Qui a ressucitée l’âme
Qui en péchié estoit estainte ;
Loons tuit la Dame seinte,
Loons tuit la Dame pie,
Loons tuit la grant aïe,
Loons tuit son grant conseil,
Loons-la tuit, je l’ vos conseil ;
Car toutes rien loer la doit.
Ele est si fort que de son doit
Bout-ele jus les murs d’enfer ;
Enfer, qui a les denz de fer,
Du sien ne puet rien retenir ;
Ele le fait tost dessevir,
Ele le fet tot fremier.
S’il en devoit toz vessier
De Mautalent, d’ardor et d’ire
Et s’il en devoit toz défrire.
S’en tréra-ele encor mainte âme ;
Car sa mestresse est et sa dame.
Souvent le despoil et desrobe ;
En enfer n’a maufé si gobe,
Tant soit veluz, grant ne patez,
Dès qu’il la voit ne soit matez
Et qui grant voie ne li face.
Ele par a si bele face
Et si cler vis de grant pooir
Qu’ennemis ne l’osent véoir ;
Si grant clarté ist de son vis
Que vraiement lor est avis,
Se devant lui ne s’enfuioient,
Que tuit li heuil lor esduiroient.
Li douz Dex fist sa douce mère
Si plesant, si bele et si clère
Qu’en lui se mirent li archange
Li seint, les seintes et li angre ;
Il méismes souvent s’i mire.
A sa biauté conter ne dire
Nule bouche ne soufiroit.
Où est la langue qui diroit