faciendam, celebratis prius solemnibus ipsius quondam domini episcopi exequiis. Quam citationem fieri voluerunt per venerabilem virum dominum Gabrielem Gosabaud alias Trabalhac, presbiterum, nuncium ad hoc specialiter depputatum, prout constat litteriis citatoriis ab eodem capitule emanatis quarum tenor dignoscitur esse talis : « In nomine Domini nostri Jeshu Christi et ad laudem et honorem gloriose virginie Marie. Noverint universi hoc presens citationis instrumentum inspecturi, visuri, lecturi ac etiam audituri quod nos Johannes Perrini, legum doctor, abbas Sancti Petri de Turre, Petrus Odini, etiam utriusque juris doctor, abbas Sancti Evodii in sancta Aniciensi ecclesia, Johannes de Cesaco, thesaurarius, Petrus Bouerii, forisdecanus minor, Anthonius Folhosa, Gaspardus Maurini, Guillelmus de Lacu, Franciscus Aurerii, Yvo Seguini, Johannes Rocherii, Johannes Moricho, Robertus de Pellis, Claudius Coralhe, Carolus Doulhac, Guillelmus de Monte-Boysserio, Ludovicus de Sancto Marcello, Jacobus Janquet, Nicholaus Ayraud, Anthonius Ravayat, Johannes de Beulenco, Bonitus Reynaud, Petrus de Villanova, Anthonius Civeyracii, Gabriel Fontanheris, Petrus Civeyracii, Johannes Girardi, Johannes Luqueti et Michael de Castellanis, tam licentiati quam baccalarii in decretis et legibus, canonici sancte Aniciensis ecclesie, insimul ad sonum campane congregati, capitulantes et capitulum facientes, ut moris est, animadvertentes et ad plenum informati quod recolende memorie dominus Johannes de Borbonio, quondam episcopus Aniciensis, die secunda mensis presentis decembris in loco et prioratu Sancti Regnaberti Lugdunensis diocesis, quod non sine grandi mentis amaritudine refferimus, nature solvens debitum, spiritum suo reddiderit creatori, nolentesque quod ecclesia nostre pastoris solatio sit destituta et diutius permaneat viduata, celebratis prius solemnibus, ut moris est, exequiis, diem Mercurii proximam, que erit septima dicti mensis decembris cum continuatione ac omni sequentium dierum prefixione ad futuri pontifficis in nostro capitule electionem celebrandam et alia omnia peragenda que ipsius electionis negocium contingere dignoscuntur (assignavimus).
Ut igitur nostre deliberationis ignorantiam nullue fratrum nostrorum, qui de jure aut consuetudine ad ipsam est electionem convocandus, pretendere possit, omnibus et singulis fratribus nostris canonicis in ipsa civitate aut diocesi Aniciensi consistentibus termini hujusmodi prefixionem, quam nobis et dictis confratribus nostris tenore presentium inthimamus, per venerabilem virum dominum Gabriellem
