Chapitre du Puy, de ses droits sur la monnaie de cette ville.
Notum sit universis presentibus et fut uris, quod nos Pontius vicecomes Podemniaci, pro nobis et heredibus aliisque successoribus nostris in perpetuum, vendimus absque omni conditione et revocatione, et titulo pure et perfecte venditionis tradimus, vel quasi, vobis G. decano et capitulo Aniciensi, et tibi Pontio de Glavenatio thesaurario ejusdem ecclesie presenti, ementi, consentienti et recipienti, procuratori ad hoc ab ipso capitulo constituto specialiter, nomine et ad opus dicti capituli hanc venditionem tractanti, quinque denarios Podienses, quos percipimus seu percipere debemus, et in posterum percepturi erimus in qualibet libra Podiensis monetæ seu Podiensium, quandocumque contigerit monetam Podiensem seu Podiensium novam cudi seu fabricari in civitate vel episcopatu Podiensi, et totum illud quod habemus et percipimus, seu percipere debemus, vel in posterum percepturi sumus in moneta Podiensi, seu in officio cudendi ac fabricandi monetam Podiensem, et omnes redditus, fructus, proventus et obventiones, et omnia jura actionesque reales, personales et mixtas, et etiam feuda usatica, jura homagia etc. quæ habemus, percipimus, vel in posterum habituri, seu percepturi eramus cum Bertrando Monedier, Artaudo Truc et heredibus quondam Roberti Bertrandi, et quibuscumque aliis feudariis seu vassallis, ratione vel occasione dicte monete in civitate Anicii vel extra, et quidquid juris percipiebamus, habebamus, vel quocumque modo nunc habemus, vel in futurum possumus habere in dicta moneta Podiensi, usu, fabrica, aliisque pertinentiis, et in omnibus ad dictam monetam pertinentibus etc. — Acta sunt hec in capitulo Aniciensi die Mercurii ante Pentecosten, anno Domini MCCXLVIII, presentibus L. sancti Evodii et sancti Petri de Turre. et B. Segureti abbatibus, Ber-
