Cette page n’a pas encore été corrigée
auroit bien tost des nouvelles de son entreprise. Anselme l’ayant donc laissé partir sans autre discours, fut quelque temps à attendre son retour, mais voyant qu’il mettoit beaucoup à revenir, et qu’il estoit desja fort tard, il s’en alla coucher. Cependant Lysis estant arrivé devant la maison de Charite, regarda s’il verroit de la chandelle allumee en la chambre ou Anselme luy avoit dit qu’elle couchoit. Il y en vid encore, ce qu’il ne desiroit pas, mais incontinent elle fut esteinte, tellement qu’il jugea que tout le monde estoit couché là dedans, et que l’heure estoit fort propice à son dessein. Il fit poser l’eschelle contre la muraille, et commandant à Gringalet laquais d’Anselme, de la tenir par
