en haut et aperceut la main et la fiole autant que l’heure luy pu permettre. Il crut que c’estoit sa maistresse qui l’ayant descouvert jettoit de l’eau d’ange sur luy pour le favoriser, tellement que pour la remercier, il dit, ha ma belle ! Quel doux presage ! Ne me jettez vous pas de l’eau pour signifier que vous desirez esteindre mes feux ? Mais quoy, mon soleil, abaissez vous vostre qualité, et voulez vous devenir aurore, puis que vous me jettez cette rousee ? Il ne proferoit cecy guere haut, craignant que les voysins ne l’entendissent, de sorte que la servante ne l’ouyt pas seulement, et parce qu’elle ne s’estoit pas vuidé toute la vessie, elle pissa encore quelques goutes dedans la fiole, et versa tout dessus son nez lors qu’il regardoit en haut, ce qui luy fit secoüer
