desquelles j’eschapay quand j’estois Amarylle. Il n’y a que les dieux qui soient au dessus de moy : car dés que j’estois à Sainct Clou, je fus moy-mesme le juge d’Anselme et de Genevre. Au reste quant à la prison, helas ! Où en pourras-tu treuver une plus estroite pour me mettre, que celle où je suis desja pour la belle Charite ? Toutefois allons librement voir ce que l’on nous voudra dire. Apres cecy il chemina sans resistance avec les paysans, et comme les villages sont fort proches l’un de l’autre en Brie, dés qu’ils eurent fait un quart de lieuë ils arriverent à quelques maisons champestres, de l’une desquelles il sortit un praticien qui avoit une barbe de bouc, et un nez de coq d’inde, des chausses blanches un pourpoint de serge noire, et
p180
