Cette page n’a pas encore été corrigée
p253
qui leur avoit apris comme il estoit malade de la mesme maladie de sa maistresse. Lysis respondit que Carmelin n’avoit rien dit que de vray, et comme il estoit prest à arranger de longs propos, il ouyt quelques cris qui le firent taire. En mettant le doigt sur la bouche pour faire signe aux autres, il s’aprocha du boccage d’où venoit le bruit, et chacun le suivit à pas comptez jusqu’à des arbres entre lesquels on vid deux hommes vestus de taffetas blanc ayans de belles pannetieres en escharpe, des chapeaux de paille sur la teste, et des houlettes peinturees en la main. Ils firent semblant de ne pas prendre garde à ceux qui les guettoient, et l’un s’estant couché à terre comme pour do
