Page:Tabourot - Les Bigarrures et Touches du seigneur des Accords - 1640.djvu/246

Respons Echo, & bien que tu sois femme, Qui plus accroist o decore la femme ! Qui plus horreur a de ce qu’est infame Qui plus craint Dieu, & abhorre blasème ? Qui mieux nourrit ce que faiblesse affame ? Malheureux donc est celuy qui diffame.

$\left.{\begin{matrix}\\\\\\\\\\\\\end{matrix}}\right\}$

femme.

Les rimes couronnees, qu’on faisoit au temps passé, ne sont autre chose qu’un Echo sans ame, & une rime doublee. Comme celuy-cy de Marot, hormis au second vers :

La blanche Colombelle belle,
Souvent te voy priant criant ;
Mais dessous la cordelle d’elle,
Me jette un œil friant riant,
En me consommant & sommant
À douleur que ma face efface,
Dont suis le reclamant amant,
Qui pour l’outre-passe trespasse.

Ceste espece aussy, qu’ils ont nommé Emperiere, est un double Echo.

En grand remord mort mord,
Ceux qui parfaicts faix faicts
Ont par effort fort fort
Des clers tous frais rez rais.

Pource que la Couronne annexee vient aussi de là, & qu’il n’y a qu’une syllabe adjoustee à l’Écho, je la mettray :

Les Princes sont aux grands cours couronnez,
Roys, Comtes, Ducs par leur droict nom nommez,