Cette page a été validée par deux contributeurs.
MES REVERENDS PERES
& tres-chers freres en Iesvs-
Christ, La paix de
noſtre Seigneur &c.
Christ, La paix de
noſtre Seigneur &c.
A douce & agreable memoire que i’ay de vous tous, conjoincte à l’extreme deſir que ie ſçay que vous auez de receuoir ces miennes lettres, venãt comme d’vn autre mõde, faict que d’vn tres-grand courage i’entreprens à les eſcrire. Ie vous diray tout au long noſtre voyage, puis que ie ſçay que telle eſt voſtre volonté & ſouhait. Sur la fin du mois de Ianuier de l’an ſix cens & ſept, nous fuſmes mãdez de Coimbre pour aller à Lisbonne : où ie vous laiſſe à penſer le reſſentiment que nous euſmes au deſpart, & aux charitables embraſſemens de pres de deux cens cinquante des noſtres, qui ſont en ce College. Il y a vne Chapelle à la ſortie de la ville, ſur vne petite colline, en laquelle bien vne cinquantaine de nos Peres &
