données sont tenuz en mespris et contemnement, sans y avoir aucun esgart,
Nous enjoignons tres expressement aux genz de guerre estanz à nostre service qu’ils ayent à respecter les dictes sauvegardes venues et emanées de nous, sur peine d’estre grievement puniz.
Faict à Estampes, le septiesme jour d’octobre mil cinq cens ssoixante huict.
Ainsy signé : Henry.
Et au dessoubz : Fizes.
Pour ce que c’est le debvoir de tous bons et fidelles chrestiens catholiques de ne faire aucune chose contre l’honneur de Dieu, ne au mespris et contemnement de nostre mère saincte Eglise et des sainctz lieux destinez pour luy rendre des louanges, faire prières et oraisons, consacrer et offrir le precieux corps de Jesus-Christ pour le sallut d’un chacun ; et qu’il appartient au roy très chrestien, nostre très honoré seigneur et frère, et à nous, de faire inviolablement observer tout ce quy touche et concerne l’authorité,
