Que j’appelle ardeur frenetique !
Pegase, enfin, n’est qu’un cheval
Quy ne nous faict ny bien, ny mal,
Et quy le suyt et luy faict feste
Ne suit et n’est rien qu’une beste.
Voyez comme il pleut au dehors !
Faisons pleuvoir dans nostre corps
Du vin. Tu l’entends sans le dire,
Et c’est là le seul mot pour rire.
Chantons, dansons, faisons du bruict !
Beuvons icy toute la nuict,
Tant que demain la belle Aurore
Nous trouve tous à table encore,
Sans avoir sommeil ny repos !
Fayet4, icy nos pauvres os
Seront enfermez dans la tombe
Par la Mort, sous quy tout succombe
Et quy nous poursuit au galop.
Las ! nous ne dormirons que trop !
Prenons de ce doux jus de vigne.
Je voy Revol quy se rend digne
De porter ce dieu dans son sein.
Dieux ! comme il avalle ce vin !
Bacchus ! quy vois nostre desbauche,
Par ton sainct pourtraict que j’ebauche
En m’enluminant le museau
De ce traict que je boy sans eau,
Par ta couronne de lierre,
4. Peut-être faut-il lire Faret. Ce qui me le feroit croire, c’est que nous trouverons plus loin un autre des amis de Saint-Amant, Gilot.
