la gasterent presque toute, ne Leudevis ne vint ainques à iaus, n’à parlement ne à bataille, ainz se tint touz jors en un chastel qui moult estoit fors et hauz. Quant Borna et la gent l’empereor s’en furent repairié, cil de la cité de Tharente[1], et maint autre qui avoient esté de la partie Leudevit se rendirent au duc Baudri, qui de par l’empereor estoit dus d’Aquilée.
Une chose avint là en ce point, que Sanila apela de traïson Bera le conte de Barcinone. A cheval se combatirent selonc leur costume et leur loy, car li uns et li autre estoit Gothiens. Mais, à la parfin, fu vaincuz Bera et tout deust-il perdre le chief selonc les loys. Si trova-il si grant debonaireté en l’empereor que il n’en porta autre paine, fors que il fu envoiez en essil à Rouan, à la volenté et au rapel l’empereor.
Entre ces choses, vindrent noveles à cort, que xiii nés plaines de galioz[2] et de robeors s’estoient parties de Normendie et s’adreçoient vers France pour le païs gaster. Lors fu commandé que tuit li port de Flandres et de Nestrie, qui or est dite Normendie, fussent bien gardé. Li port de Flandres et l’entrée de Saine, là où ele chiet en mer, lor furent bien defendu. Lors s’espandirent par la mer et vindrent en Aquitaine, les porz troverent sanz defense, pour ce entrerent legierement
- ↑ On a dans le latin : « Carniolenses et quidam Carantanorum. » D’après les Annales, d’Éginhard, une partie seulement des habitants de la Carniole, de même qu’une partie des habitants de la Carinthie, fit sa soumission : « Carniolenses, qui circa Savum fluvium habitant et Forojuliensibus pene contigui sunt. »
- ↑ Galioz, pirates.
lie, passa par les Alpes Noriques, l’autre par la Carinthie et la troisième par la Bavière et la Pannonie supérieure.
